پاک سپاہی جماعت فیڈریشن جیسا کہ نام ہی سے ظاہر ہے کہ یہ تمام سپاہی جماعتوں کی ایک فلاحی انجمن ہے جسکے قیام کا بنیادی مقصد سپاہی جماعتوں کے ممبران کے درمیان تعلقات استوار کرنا اور فلاحی اور سماجی کاموں میں ایک دوسرے کے ساتھ تعاون کرنا ہے۔

اس تنظیم کا قیام سن 1956 میں عمل میں آیا جسکا سہرا بانی تنظیم جناب ڈاکٹر علی محمد ناگوری کے سر جاتا ہے جنہوں نے محسوس کیا کہ سپاہی جماعتوں کا ایک مشترکہ پلیٹ فارم ہونا چاہئے جہاں تمام برادریاں مل جل کر اپنے مسائل پر نا صرف بات چیت کرسکیں بلکہ یک جان ہوکراسکے حل کے لئے کوشش کرسکیں۔ پہلے پہل اس تنظیم میں چند جماعتیں ہی شامل ہوسکیں البتہ بانی اراکین کی انتھک کوششوں سے بعد ازاں اس تنظیم کا دائرہ وسیع ہوگیا اور اس وقت اس فیڈریشن میں دس سپاہی جماعتیں شامل ہیں جنکے نام مندرجہ ذیل ہیں۔