کوئی غم سے پریشاں ہے کوئی جنت کا طالب ہے
غرض سجدے کراتی ہے عبادت کون کرتا ہے

خواب گروی رکھ دیے آنکھوں کا سودا کر دیا
قرض دل کیا قرض جاں بھی آج چکتا کر دیا

ہم فقیروں کی صورتوں پہ نہ جا
ہم کئی روپ دھار لیتے ہیں

یہ جو دیوانے سے دو چار نظر آتے ہیں
ان میں کچھ صاحب اسرار نظر آتے ہیں

ایک  وعدہ  ہے  کسی  کا  جو  وفا  ہوتا  نہیں
ورنہ ان تاروں بھری راتوں میں کیا ہوتا نہیں

اگر یہ کہہ  دو بغیر میرے  نہیں  گزارہ  تو میں  تمہارا
یا  اس  پہ  مبنی  کوئی  تأثر  کوئی  اشارا  تو  میں  تمہارا

تیرا چپ رہنا  مرے  ذہن  میں  کیا  بیٹھ  گیا
اتنی  آوازیں  تجھے  دیں  کہ  گلا  بیٹھ   گیا

زندگی کے میلے میں خواہشوں کے ریلے میں
تم سے کیا کہیں جاناں اس قدر جھمیلے میں

اگر کبھی میری یاد آئے

تو چاند راتوں کی نرم دلگیر روشنی میں

دل سے جو بات نکلتی ہے اثر رکھتی ہے
پر نہیں طاقت پرواز مگر رکھتی ہے