Astighfar
shikwa allama iqbal

آپ اشعار کاپی کرسکتے ہیں۔

Pak-Studies.com

کیوں  زیاں  کار  بنوں    سود   فراموش    رہوں
فکر  فردا  نہ   کروں    محو    غم    دوش  رہوں
نالے بلبل کے سنوں اور ہمہ تن  گوش  رہوں
ہم نوا میں بھی  کوئی گل ہوں کہ خاموش رہوں
جرأت  آموز  مری  تاب   سخن   ہے   مجھ  کو
شکوہ   اللہ   سے   خاکم   بدہن   ہے   مجھ   کو

 

ہے  بجا  شیوۂ   تسلیم   میں   مشہور   ہیں   ہم
قصۂ  درد   سناتے   ہیں    کہ   مجبور   ہیں   ہم
ساز  خاموش  ہیں   فریاد  سے   معمور  ہیں  ہم
نالہ  آتا   ہے   اگر  لب  پہ  تو  معذور  ہیں  ہم
اے  خدا   شکوۂ   ارباب   وفا   بھی   سن    لے
خوگر  حمد  سے  تھوڑا   سا  گلہ  بھی  سن   لے

 

تھی  تو  موجود  ازل  سے  ہی  تری  ذات  قدیم
پھول تھا زیب  چمن  پر  نہ  پریشاں  تھی   شمیم
شرط   انصاف  ہے  اے  صاحب  الطاف   عمیم
بوئے گل پھیلتی کس  طرح  جو  ہوتی  نہ   نسیم
ہم   کو   جمعیت    خاطر   یہ    پریشانی     تھی
ورنہ  امت   ترے   محبوب    کی  دیوانی   تھی

 

ہم سے پہلے تھا عجب  تیرے   جہاں  کا  منظر
کہیں   مسجود    تھے   پتھر  کہیں  معبود   شجر
خوگر  پیکر   محسوس    تھی   انساں   کی   نظر
مانتا   پھر   کوئی   ان  دیکھے   خدا   کو   کیونکر
تجھ  کو   معلوم   ہے   لیتا   تھا  کوئی   نام ترا
قوت   بازوئے    مسلم    نے    کیا    کام  ترا

 

بس رہے  تھے  یہیں  سلجوق بھی  تورانی  بھی
اہل  چیں  چین  میں  ایران  میں  ساسانی  بھی
اسی  معمورے   میں  آباد   تھے    یونانی   بھی
اسی  دنیا  میں یہودی  بھی  تھے  نصرانی   بھی
پر  ترے   نام   پہ   تلوار   اٹھائی   کس   نے
بات  جوبگڑی ہوئی  تھی  وہ  بنائی   کس   نے

 

تھے ہمیں   ایک   ترے   معرکہ  آراؤں  میں
خشکیوں  میں کبھی لڑتے  کبھی  دریاؤں   میں
دیں  اذانیں   کبھی  یورپ  کے  کلیساؤں  میں
کبھی  ایفریقا کے   تپتے  ہوئے   صحراؤں  میں
شان  آنکھوں میں نہ جچتی تھی جہانداروں  کی
کلمہ پڑھتے تھے ہمیں چھاؤں میں تلواروں کی

 

ہم جوجیتے تھےتو جنگوں کی مصیبت کے لیے
اورمرتےتھے ترے نام  کی عظمت  کے لیے
تھی نہ  کچھ  تیغ  زنی  اپنی حکومت کے  لیے
سربکف پھرتےتھے کیا دہرمیں دولت کے لیے
قوم  اپنی   جو   زرو  و  مال   جہاں   پر  مرتی
بت فروشی کے عوض بت  شکنی  کیوں   کرتی

 

ٹل نہ سکتے تھے اگر جنگ میں اڑ جاتے تھے
پاؤں شیروں کےبھی میداں سےاکھڑجاتےتھے
تجھ  سے سرکش ہوا  کوئی  تو  بگڑ جاتے تھے
تیغ  کیا چیز ہے ہم توپ سے لڑ جاتے  تھے
نقش  توحید   کا  ہر  دل  پہ  بٹھایا  ہم   نے
زیر  خنجر  بھی  یہ   پیغام   سنایا   ہم   نے

 

تو ہی کہہ دے کہ اکھاڑا  در  خیبر  کس  نے
شہر قیصر کا  جو تھا اس کو  کیا  سر  کس  نے
توڑے مخلوق  خدا وندوں کے  پیکر  کس نے
کاٹ  کر رکھ دئیے کفار کے لشکر کس  نے
کس  نے  ٹھنڈا  کیا   آتشکدۂ   ایراں   کو
کس  نے  پھر  زندہ  کیا   تذکرۂ  یزداں  کو

 

کون  سی  قوم  فقط  تیری  طلب  گار  ہوئی
اور  تیرے  لیے  زحمت  کش   پیکار  ہوئی
کس کی  شمشیر   جہانگیر  جہاں   دار  ہوئی
کس کی  تکبیر  سے  دنیا  تری  بیدار   ہوئی
کس کی ہیبت سےصنم سہمےہوئے رہتےتھے
منہ  کے بل گر کے ہو اللہ  احد  کہتے تھے

 

آ گیا   عین   لڑائی  میں  اگر   وقت    نماز
قبلہ رو ہو کے زمیں بوس ہوئی ہوئی قوم حجاز
ایک ہی صف میں کھڑے ہو گئے محمود و ایاز
نہ   کوئی  بندہ  رہا   اور  نہ  کوئی   بندہ  نواز
بندہ  و صاحب و محتاج  و غنی  ایک   ہوئے
تیری  سرکار میں پہنچے  تو سبھی  ایک   ہوئے

 

محفل کون و مکاں  میں  سحر  و شام  پھرے
مئے  توحید  کو  لے کر  صفت  جام  پھرے
کوہ میں  دشت  میں لے کر ترا پیغام  پھرے
اور  معلوم  ہے  تجھ  کو  کبھی  ناکام  پھرے
دشت تودشت ہیں دریابھی نہ چھوڑےہم نے
بحر ظلمات میں دوڑا دئیے گھوڑے  ہم  نے

 

صفحۂ   دہر  سے  باطل  کو   مٹایا  ہم  نے
نوع انساں کو  غلامی  سے  چھڑایا   ہم  نے
تیرے کعبے کو  جبینوں سے  بسایا  ہم   نے
تیرے قرآن کو سینوں  سے  لگایا  ہم   نے
پھر بھی ہم سے یہ گلہ ہے کہ  وفادار نہیں
ہم وفادار  نہیں  تو  بھی  تو  دل   دار  نہیں

 

امتیں اور  بھی  ہیں  ان  میں  گنہ گار بھی   ہیں
عجز والے  بھی  ہیں  مست  مئے  پندار بھی  ہیں
ان میں کاہل بھی ہیں غافل بھی ہیں ہشیاربھی ہیں
سیکڑوں  ہیں  کہ ترے نام سے بے زار بھی ہیں
رحمتیں   ہیں   تری   اغیار   کے   کاشانوں   پر
برق گرتی  ہے  تو   بے  چارے   مسلمانوں  پر

 

بت صنم  خانوں  میں  کہتے  ہیں  مسلمان  گئے
ہے خوشی ان  کو  کہ  کعبے  کے   نگہبان   گئے
منزل دہر  سے  اونٹوں  کے  حدی  خوان  گئے
اپنی  بغلوں   میں   دبائے   ہوئے   قرآن  گئے
خندہ زن کفر ہے  احساس  تجھے  ہے  کہ  نہیں
اپنی توحید  کا  کچھ  پاس  تجھے   ہے  کہ   نہیں

 

یہ  شکایت  نہیں  ہیں  ان  کے  خزانے  معمور
نہیں محفل میں جنہیں بات بھی کرنے کا شعور
قہر تو  یہ ہے کہ کافر   کو  ملیں   حور  و  قصور
اور  بے  چارے   مسلماں   کو  فقط   وعدۂ  حور
اب   وہ   الطاف   نہیں  ہم   پہ عنایات   نہیں
بات  یہ  کیا  ہے  کہ   پہلی  سی  مدارات  نہیں

 

کیوں  مسلمانوں   میں  ہے  دولت  دنیا   نایاب
تیری قدرت تو ہےوہ جس کی نہ حدہےنہ حساب
تو جو  چاہے تو  اٹھے  سینۂ   صحرا  سے   حباب
رہرو   دشت    ہو   سیلی   زدۂ   موج   سراب
طعن  اغیار   ہے    رسوائی   ہے   ناداری   ہے
کیا ترے  نام  پہ مرنے کا  عوض  خواری   ہے

 

بنی    اغیار    کی    اب    چاہنے    والی    دنیا
رہ    گئی    اپنے    لیے    ایک    خیالی   دنیا
ہم تو رخصت  ہوئے  اوروں  نے سنبھالی  دنیا
پھر  نہ   کہنا  ہوئی   توحید    سے   خالی   دنیا
ہم  تو جیتے   ہیں  کہ  دنیا میں  ترا  نام  رہے
کہیں ممکن  ہے کہ ساقی نہ  رہے  جام رہے

 

تیری محفل بھی  گئی  چاہنے  والے  بھی   گئے
شب کی آہیں بھی گئیں صبح کے نالے بھی گئے
دل تجھے دے بھی گئے اپنا  صلہ لے  بھی  گئے
آ کے بیٹھے  بھی نہ  تھے اور  نکالے  بھی  گئے
آئے  عشاق   گئے     وعدۂ    فردا   لے    کر
اب   انہیں  ڈھونڈ   چراغ   رخ  زیبا   لے  کر

 

درد   لیلیٰ  بھی  وہی  قیس  کا   پہلو  بھی   وہی
نجد کے دشت و  جبل میں  رم  آہو  بھی  وہی
عشق  کا دل بھی  وہی حسن  کا  جادو  بھی  وہی
امت   احمد  مرسل   بھی   وہی   تو  بھی   وہی
پھر   یہ   آرزدگئ    غیر    سبب    کیا     معنی
اپنے  شیداؤں   پہ  یہ   چشم  غضب  کیا   معنی

 

تجھ   کو   چھوڑا   کہ  رسول  عربی   کو  چھوڑا
بت   گری    پیشہ   کیا   بت  شکنی  کو  چھوڑا
عشق  کو   عشق  کی  آشفتہ  سری   کو  چھوڑا
رسم   سلمان    و    اویس   قرنی    کو   چھوڑا
آگ تکبیر  کی  سینوں   میں  دبی  رکھتے  ہیں
زندگی    مثل    بلال    حبشی    رکھتے    ہیں

 

عشق کی  خیر  وہ  پہلی  سی  ادا  بھی  نہ  سہی
جادہ   پیمائی   تسلیم   و   رضا   بھی   نہ   سہی
مضطرب  دل  صفت  قبلہ  نما   بھی  نہ  سہی
اور    پابندی    آئین   وفا   بھی     نہ    سہی
کبھی  ہم سے  کبھی غیروں  سے  شناسائی  ہے
بات  کہنے  کی   نہیں  تو بھی تو  ہرجائی  ہے

 

سر  فاراں   پہ   کیا  دین  کو  کامل   تو  نے
اک اشارے میں ہزاروں کے لیے دل تو نے
آتش  اندوز   کیا  عشق  کا  حاصل   تو  نے
پھونک  دی  گرمئ رخسار  سے محفل تو  نے
آج  کیوں  سینے  ہمارے   شرر  آباد   نہیں
ہم وہی  سوختہ  ساماں   ہیں  تجھے  یاد  نہیں

 

وادیٔ  نجد   میں   وہ   شور   سلاسل   نہ  رہا
قیس     دیوانۂ     نظارۂ     محمل     نہ    رہا
حوصلے  وہ نہ رہے ہم  نہ  رہے  دل  نہ  رہا
گھر یہ اجڑا  ہے کہ  تو  رونق  محفل  نہ  رہا
اے خوشا آں  روز  کہ  آئی  و  بصد  ناز  آئی
بے   حجابانہ   سوئے   محفل    ما    باز   آئی

 

بادہ کش غیر  ہیں  گلشن  میں  لب  جو  بیٹھے
سنتے   ہیں   جام    بکف    نغمۂ  کو کو    بیٹھے
دور     ہنگامۂ     گلزار    سے    یکسو     بیٹھے
تیرے   دیوانے   بھی  ہیں   منتظر  ہو   بیٹھے
اپنے پروانوں  کو پھر  ذوق  خود  افروزی  دے
برق   دیرینہ   کو   فرمان   جگر  سوزی   دے

 

قوم  آوارہ  عناں  تاب  ہے  پھر  سوئے  حجاز
لے   اڑا   بلبل   بے   پر   کو   مذاق   پرواز
مضطرب باغ کے ہر غنچے میں ہے بوئے نیاز
تو ذرا چھیڑ تو  دے  تشنۂ  مضراب  ہے  ساز
نغمے بیتاب  ہیں  تاروں  سے  نکلنے  کے لیے
طور مضطر ہے  اسی  آگ  میں  جلنے کے لیے

 

مشکلیں  امت   مرحوم   کی   آساں  کر  دے
مور بے   مایہ   کو  ہمدوش   سلیماں  کر  دے
جنس  نایاب   محبت  کو   پھر ارزاں  کر  دے
ہند  کے   دیر  نشینوں  کو  مسلماں  کر  دے
جوئے  خوں  می  چکد  از  حسرت  دیرینۂ   ما
می    تپد    نالہ    بہ    نشتر   کدۂ   سینۂ   ما

 

بوئے  گل  لے  گئی  بیرون  چمن  راز  چمن
کیا قیامت ہے کہ خود پھول  ہیں  غماز  چمن
عہد  گل   ختم   ہوا   ٹوٹ   گیا   ساز   چمن
اڑ  گئے   ڈالیوں   سے   زمزمہ   پرداز   چمن
ایک بلبل ہے  کہ  ہے  محو  ترنم  اب  تک
اس کے سینے میں ہے نغموں کا تلاطم اب تک

 

قمریاں شاخ صنوبر  سے  گریزاں  بھی  ہوئیں
پتیاں پھول کی جھڑ جھڑ کے پریشاں بھی ہوئیں
وہ پرانی  روشیں  باغ  کی ویراں  بھی  ہوئیں
ڈالیاں  پیرہن  برگ  سے عریاں  بھی  ہوئیں
قید  موسم  سے  طبیعت  رہی  آزاد  اس   کی
کاش گلشن  میں  سمجھتا  کوئی  فریاد  اس  کی

 

لطف مرنے میں ہے  باقی  نہ  مزہ  جینے  میں
کچھ  مزہ  ہے  تو  یہی  خون  جگر  پینے  میں
کتنے  بیتاب   ہیں   جوہر   مرے   آئینے   میں
کس قدر جلوے تڑپتے  ہیں  مرے  سینے  میں
اس گلستاں میں  مگر  دیکھنے  والے  ہی  نہیں
داغ جو سینے میں رکھتے ہوں وہ لالے ہی نہیں

 

چاک  اس  بلبل  تنہا  کی   نوا  سے  دل  ہوں
جاگنے  والے   اسی  بانگ  درا سے  دل  ہوں
یعنی  پھر  زندہ  نئے  عہد  وفا  سے  دل  ہوں
پھر  اسی   بادۂ   دیرینہ  کے  پیاسے  دل  ہوں
عجمی خم  ہے  تو کیا مے تو  حجازی  ہے  مری
نغمہ ہندی  ہے تو کیا لے تو  حجازی  ہے  مری

Close
Return to Archive
منتخب شاعری
Search Poetry
اپنی پسندیدہ شاعری تلاش کریں
نظم

کیوں  زیاں  کار  بنوں    سود   فراموش    رہوں
فکر  فردا  نہ   کروں    محو    غم    دوش  رہوں
نالے بلبل کے سنوں اور ہمہ تن  گوش  رہوں
ہم نوا میں بھی  کوئی گل ہوں کہ خاموش رہوں
جرأت  آموز  مری  تاب   سخن   ہے   مجھ  کو
شکوہ   اللہ   سے   خاکم   بدہن   ہے   مجھ   کو

 

ہے  بجا  شیوۂ   تسلیم   میں   مشہور   ہیں   ہم
قصۂ  درد   سناتے   ہیں    کہ   مجبور   ہیں   ہم
ساز  خاموش  ہیں   فریاد  سے   معمور  ہیں  ہم
نالہ  آتا   ہے   اگر  لب  پہ  تو  معذور  ہیں  ہم
اے  خدا   شکوۂ   ارباب   وفا   بھی   سن    لے
خوگر  حمد  سے  تھوڑا   سا  گلہ  بھی  سن   لے

 

تھی  تو  موجود  ازل  سے  ہی  تری  ذات  قدیم
پھول تھا زیب  چمن  پر  نہ  پریشاں  تھی   شمیم
شرط   انصاف  ہے  اے  صاحب  الطاف   عمیم
بوئے گل پھیلتی کس  طرح  جو  ہوتی  نہ   نسیم
ہم   کو   جمعیت    خاطر   یہ    پریشانی     تھی
ورنہ  امت   ترے   محبوب    کی  دیوانی   تھی

 

ہم سے پہلے تھا عجب  تیرے   جہاں  کا  منظر
کہیں   مسجود    تھے   پتھر  کہیں  معبود   شجر
خوگر  پیکر   محسوس    تھی   انساں   کی   نظر
مانتا   پھر   کوئی   ان  دیکھے   خدا   کو   کیونکر
تجھ  کو   معلوم   ہے   لیتا   تھا  کوئی   نام ترا
قوت   بازوئے    مسلم    نے    کیا    کام  ترا

 

بس رہے  تھے  یہیں  سلجوق بھی  تورانی  بھی
اہل  چیں  چین  میں  ایران  میں  ساسانی  بھی
اسی  معمورے   میں  آباد   تھے    یونانی   بھی
اسی  دنیا  میں یہودی  بھی  تھے  نصرانی   بھی
پر  ترے   نام   پہ   تلوار   اٹھائی   کس   نے
بات  جوبگڑی ہوئی  تھی  وہ  بنائی   کس   نے

 

تھے ہمیں   ایک   ترے   معرکہ  آراؤں  میں
خشکیوں  میں کبھی لڑتے  کبھی  دریاؤں   میں
دیں  اذانیں   کبھی  یورپ  کے  کلیساؤں  میں
کبھی  ایفریقا کے   تپتے  ہوئے   صحراؤں  میں
شان  آنکھوں میں نہ جچتی تھی جہانداروں  کی
کلمہ پڑھتے تھے ہمیں چھاؤں میں تلواروں کی

 

ہم جوجیتے تھےتو جنگوں کی مصیبت کے لیے
اورمرتےتھے ترے نام  کی عظمت  کے لیے
تھی نہ  کچھ  تیغ  زنی  اپنی حکومت کے  لیے
سربکف پھرتےتھے کیا دہرمیں دولت کے لیے
قوم  اپنی   جو   زرو  و  مال   جہاں   پر  مرتی
بت فروشی کے عوض بت  شکنی  کیوں   کرتی

 

ٹل نہ سکتے تھے اگر جنگ میں اڑ جاتے تھے
پاؤں شیروں کےبھی میداں سےاکھڑجاتےتھے
تجھ  سے سرکش ہوا  کوئی  تو  بگڑ جاتے تھے
تیغ  کیا چیز ہے ہم توپ سے لڑ جاتے  تھے
نقش  توحید   کا  ہر  دل  پہ  بٹھایا  ہم   نے
زیر  خنجر  بھی  یہ   پیغام   سنایا   ہم   نے

 

تو ہی کہہ دے کہ اکھاڑا  در  خیبر  کس  نے
شہر قیصر کا  جو تھا اس کو  کیا  سر  کس  نے
توڑے مخلوق  خدا وندوں کے  پیکر  کس نے
کاٹ  کر رکھ دئیے کفار کے لشکر کس  نے
کس  نے  ٹھنڈا  کیا   آتشکدۂ   ایراں   کو
کس  نے  پھر  زندہ  کیا   تذکرۂ  یزداں  کو

 

کون  سی  قوم  فقط  تیری  طلب  گار  ہوئی
اور  تیرے  لیے  زحمت  کش   پیکار  ہوئی
کس کی  شمشیر   جہانگیر  جہاں   دار  ہوئی
کس کی  تکبیر  سے  دنیا  تری  بیدار   ہوئی
کس کی ہیبت سےصنم سہمےہوئے رہتےتھے
منہ  کے بل گر کے ہو اللہ  احد  کہتے تھے

 

آ گیا   عین   لڑائی  میں  اگر   وقت    نماز
قبلہ رو ہو کے زمیں بوس ہوئی ہوئی قوم حجاز
ایک ہی صف میں کھڑے ہو گئے محمود و ایاز
نہ   کوئی  بندہ  رہا   اور  نہ  کوئی   بندہ  نواز
بندہ  و صاحب و محتاج  و غنی  ایک   ہوئے
تیری  سرکار میں پہنچے  تو سبھی  ایک   ہوئے

 

محفل کون و مکاں  میں  سحر  و شام  پھرے
مئے  توحید  کو  لے کر  صفت  جام  پھرے
کوہ میں  دشت  میں لے کر ترا پیغام  پھرے
اور  معلوم  ہے  تجھ  کو  کبھی  ناکام  پھرے
دشت تودشت ہیں دریابھی نہ چھوڑےہم نے
بحر ظلمات میں دوڑا دئیے گھوڑے  ہم  نے

 

صفحۂ   دہر  سے  باطل  کو   مٹایا  ہم  نے
نوع انساں کو  غلامی  سے  چھڑایا   ہم  نے
تیرے کعبے کو  جبینوں سے  بسایا  ہم   نے
تیرے قرآن کو سینوں  سے  لگایا  ہم   نے
پھر بھی ہم سے یہ گلہ ہے کہ  وفادار نہیں
ہم وفادار  نہیں  تو  بھی  تو  دل   دار  نہیں

 

امتیں اور  بھی  ہیں  ان  میں  گنہ گار بھی   ہیں
عجز والے  بھی  ہیں  مست  مئے  پندار بھی  ہیں
ان میں کاہل بھی ہیں غافل بھی ہیں ہشیاربھی ہیں
سیکڑوں  ہیں  کہ ترے نام سے بے زار بھی ہیں
رحمتیں   ہیں   تری   اغیار   کے   کاشانوں   پر
برق گرتی  ہے  تو   بے  چارے   مسلمانوں  پر

 

بت صنم  خانوں  میں  کہتے  ہیں  مسلمان  گئے
ہے خوشی ان  کو  کہ  کعبے  کے   نگہبان   گئے
منزل دہر  سے  اونٹوں  کے  حدی  خوان  گئے
اپنی  بغلوں   میں   دبائے   ہوئے   قرآن  گئے
خندہ زن کفر ہے  احساس  تجھے  ہے  کہ  نہیں
اپنی توحید  کا  کچھ  پاس  تجھے   ہے  کہ   نہیں

 

یہ  شکایت  نہیں  ہیں  ان  کے  خزانے  معمور
نہیں محفل میں جنہیں بات بھی کرنے کا شعور
قہر تو  یہ ہے کہ کافر   کو  ملیں   حور  و  قصور
اور  بے  چارے   مسلماں   کو  فقط   وعدۂ  حور
اب   وہ   الطاف   نہیں  ہم   پہ عنایات   نہیں
بات  یہ  کیا  ہے  کہ   پہلی  سی  مدارات  نہیں

 

کیوں  مسلمانوں   میں  ہے  دولت  دنیا   نایاب
تیری قدرت تو ہےوہ جس کی نہ حدہےنہ حساب
تو جو  چاہے تو  اٹھے  سینۂ   صحرا  سے   حباب
رہرو   دشت    ہو   سیلی   زدۂ   موج   سراب
طعن  اغیار   ہے    رسوائی   ہے   ناداری   ہے
کیا ترے  نام  پہ مرنے کا  عوض  خواری   ہے

 

بنی    اغیار    کی    اب    چاہنے    والی    دنیا
رہ    گئی    اپنے    لیے    ایک    خیالی   دنیا
ہم تو رخصت  ہوئے  اوروں  نے سنبھالی  دنیا
پھر  نہ   کہنا  ہوئی   توحید    سے   خالی   دنیا
ہم  تو جیتے   ہیں  کہ  دنیا میں  ترا  نام  رہے
کہیں ممکن  ہے کہ ساقی نہ  رہے  جام رہے

 

تیری محفل بھی  گئی  چاہنے  والے  بھی   گئے
شب کی آہیں بھی گئیں صبح کے نالے بھی گئے
دل تجھے دے بھی گئے اپنا  صلہ لے  بھی  گئے
آ کے بیٹھے  بھی نہ  تھے اور  نکالے  بھی  گئے
آئے  عشاق   گئے     وعدۂ    فردا   لے    کر
اب   انہیں  ڈھونڈ   چراغ   رخ  زیبا   لے  کر

 

درد   لیلیٰ  بھی  وہی  قیس  کا   پہلو  بھی   وہی
نجد کے دشت و  جبل میں  رم  آہو  بھی  وہی
عشق  کا دل بھی  وہی حسن  کا  جادو  بھی  وہی
امت   احمد  مرسل   بھی   وہی   تو  بھی   وہی
پھر   یہ   آرزدگئ    غیر    سبب    کیا     معنی
اپنے  شیداؤں   پہ  یہ   چشم  غضب  کیا   معنی

 

تجھ   کو   چھوڑا   کہ  رسول  عربی   کو  چھوڑا
بت   گری    پیشہ   کیا   بت  شکنی  کو  چھوڑا
عشق  کو   عشق  کی  آشفتہ  سری   کو  چھوڑا
رسم   سلمان    و    اویس   قرنی    کو   چھوڑا
آگ تکبیر  کی  سینوں   میں  دبی  رکھتے  ہیں
زندگی    مثل    بلال    حبشی    رکھتے    ہیں

 

عشق کی  خیر  وہ  پہلی  سی  ادا  بھی  نہ  سہی
جادہ   پیمائی   تسلیم   و   رضا   بھی   نہ   سہی
مضطرب  دل  صفت  قبلہ  نما   بھی  نہ  سہی
اور    پابندی    آئین   وفا   بھی     نہ    سہی
کبھی  ہم سے  کبھی غیروں  سے  شناسائی  ہے
بات  کہنے  کی   نہیں  تو بھی تو  ہرجائی  ہے

 

سر  فاراں   پہ   کیا  دین  کو  کامل   تو  نے
اک اشارے میں ہزاروں کے لیے دل تو نے
آتش  اندوز   کیا  عشق  کا  حاصل   تو  نے
پھونک  دی  گرمئ رخسار  سے محفل تو  نے
آج  کیوں  سینے  ہمارے   شرر  آباد   نہیں
ہم وہی  سوختہ  ساماں   ہیں  تجھے  یاد  نہیں

 

وادیٔ  نجد   میں   وہ   شور   سلاسل   نہ  رہا
قیس     دیوانۂ     نظارۂ     محمل     نہ    رہا
حوصلے  وہ نہ رہے ہم  نہ  رہے  دل  نہ  رہا
گھر یہ اجڑا  ہے کہ  تو  رونق  محفل  نہ  رہا
اے خوشا آں  روز  کہ  آئی  و  بصد  ناز  آئی
بے   حجابانہ   سوئے   محفل    ما    باز   آئی

 

بادہ کش غیر  ہیں  گلشن  میں  لب  جو  بیٹھے
سنتے   ہیں   جام    بکف    نغمۂ  کو کو    بیٹھے
دور     ہنگامۂ     گلزار    سے    یکسو     بیٹھے
تیرے   دیوانے   بھی  ہیں   منتظر  ہو   بیٹھے
اپنے پروانوں  کو پھر  ذوق  خود  افروزی  دے
برق   دیرینہ   کو   فرمان   جگر  سوزی   دے

 

قوم  آوارہ  عناں  تاب  ہے  پھر  سوئے  حجاز
لے   اڑا   بلبل   بے   پر   کو   مذاق   پرواز
مضطرب باغ کے ہر غنچے میں ہے بوئے نیاز
تو ذرا چھیڑ تو  دے  تشنۂ  مضراب  ہے  ساز
نغمے بیتاب  ہیں  تاروں  سے  نکلنے  کے لیے
طور مضطر ہے  اسی  آگ  میں  جلنے کے لیے

 

مشکلیں  امت   مرحوم   کی   آساں  کر  دے
مور بے   مایہ   کو  ہمدوش   سلیماں  کر  دے
جنس  نایاب   محبت  کو   پھر ارزاں  کر  دے
ہند  کے   دیر  نشینوں  کو  مسلماں  کر  دے
جوئے  خوں  می  چکد  از  حسرت  دیرینۂ   ما
می    تپد    نالہ    بہ    نشتر   کدۂ   سینۂ   ما

 

بوئے  گل  لے  گئی  بیرون  چمن  راز  چمن
کیا قیامت ہے کہ خود پھول  ہیں  غماز  چمن
عہد  گل   ختم   ہوا   ٹوٹ   گیا   ساز   چمن
اڑ  گئے   ڈالیوں   سے   زمزمہ   پرداز   چمن
ایک بلبل ہے  کہ  ہے  محو  ترنم  اب  تک
اس کے سینے میں ہے نغموں کا تلاطم اب تک

 

قمریاں شاخ صنوبر  سے  گریزاں  بھی  ہوئیں
پتیاں پھول کی جھڑ جھڑ کے پریشاں بھی ہوئیں
وہ پرانی  روشیں  باغ  کی ویراں  بھی  ہوئیں
ڈالیاں  پیرہن  برگ  سے عریاں  بھی  ہوئیں
قید  موسم  سے  طبیعت  رہی  آزاد  اس   کی
کاش گلشن  میں  سمجھتا  کوئی  فریاد  اس  کی

 

لطف مرنے میں ہے  باقی  نہ  مزہ  جینے  میں
کچھ  مزہ  ہے  تو  یہی  خون  جگر  پینے  میں
کتنے  بیتاب   ہیں   جوہر   مرے   آئینے   میں
کس قدر جلوے تڑپتے  ہیں  مرے  سینے  میں
اس گلستاں میں  مگر  دیکھنے  والے  ہی  نہیں
داغ جو سینے میں رکھتے ہوں وہ لالے ہی نہیں

 

چاک  اس  بلبل  تنہا  کی   نوا  سے  دل  ہوں
جاگنے  والے   اسی  بانگ  درا سے  دل  ہوں
یعنی  پھر  زندہ  نئے  عہد  وفا  سے  دل  ہوں
پھر  اسی   بادۂ   دیرینہ  کے  پیاسے  دل  ہوں
عجمی خم  ہے  تو کیا مے تو  حجازی  ہے  مری
نغمہ ہندی  ہے تو کیا لے تو  حجازی  ہے  مری

تحت الفظ سنئیے

Return to Archive
منتخب شاعری
Search Poetry
پسندیدہ شاعری تلاش کریں
Return to Archive
منتخب شاعری
Search Poetry
اپنی پسندیدہ شاعری تلاش کریں
Read the Poetry in Roman Letters - شاعری کو رومن حروف میں پڑھیں
Shikwa Allama Iqbal | Kyun Zian Kaar Banun | Great Urdu Poetry

Shikwa Allama Iqbal

Jawab-e-Shikwa bhi Parhain

Kyun Ziyan-Kar Banun Sud-Faramosh Rahun

Fikr-E-Farda Na Karun Mahw-E-Gham-E-Dosh Rahun

Nale Bulbul Ke Sunun Aur Hama-Tan Gosh Rahun

Ham-Nawa Main Bhi Koi Gul Hun Ki Khamosh Rahun

Jurat-Amoz Meri Tab-E-Sukhan Hai Mujh Ko

Shikwa Allah Se Khakam-Ba-Dahan Hai Mujh Ko

Shikwa Allama Iqbal~ allama iqbal poetry for students

Hai Baja Shewa-E-Taslim Mein Mashhur Hain Hum

Qissa-E-Dard Sunate Hain Ki Majbur Hain Hum

Saz Khamosh Hain Fariyaad Se Mamur Hain Hum

Nala Aata Hai Agar Lab Pe To Mazur Hain Hum

Ai Khuda Shikwa-E-Arbab-E-Wafa Bhi Sun Le

Khugar-E-Hamd Se Thoda Sa Gila Bhi Sun Le

Shikwa Allama Iqbal

Thi To Maujud Azal Se Hi Teri Zat-E-Qadim

Phul Tha Zeb-E-Chaman Par Na Pareshan Thi Shamim

Shart Insaf Hai Ai Sahib-E-Altaf-E-Amim

Bu-E-Gul Phailti Kis Tarah Jo Hoti Na Nasim

Hum Ko Jamiyat-E-Khatir Ye Pareshani Thi

Warna Ummat Tere Mahbub Ki Diwani Thi

Shikwa Allama Iqbal

Hum Se Pahle Tha Ajab Tere Jahan Ka Manzar

Kahin Masjud The Patthar Kahin Mabud Shajar

Khugar-E-Paikar-E-Mahsus Thi Insan Ki Nazar

Manta Phir Koi An-Dekhe Khuda Ko Kyunkar

Tujh Ko Malum Hai Leta Tha Koi Nam Tera

Quwwat-E-Bazu-E-Muslim Ne Kiya Kaam Tera

Shikwa Allama Iqbal

Bas Rahe The Yahin Saljuq Bhi Turani Bhi

Ahl-E-Chin Chin Mein Iran Mein Sasani Bhi

Isi Mamure Mein Aabaad The Yunani Bhi

Isi Duniya Mein Yahudi Bhi The Nasrani Bhi

Par Tere Nam Pe Talwar Uthai Kis Ne

Baat Jo Bigdi Hui Thi Wo Banai Kis Ne

Shikwa Allama Iqbal

The Hamin Ek Tere Marka-Araon Mein

Khushkiyon Mein Kabhi Ladte Kabhi Dariyaon Mein

Din Azanen Kabhi Europe Ke Kalisaon Mein

Kabhi Africa Ke Tapte Hue Sahraon Mein

Shan Aankhon Mein Na Jachti Thi Jahan-Daron Ki

Kalma Padhte The Hamin Chhanw Mein Talwaron Ki

Shikwa Allama Iqbal

Hum Jo Jite The To Jangon Ki Musibat Ke Liye

Aur Marte The Tere Nam Ki Azmat Ke Liye

Thi Na Kuchh Teghzani Apni Hukumat Ke Liye

Sar-Ba-Kaf Phirte The Kya Dahr Mein Daulat Ke Liye

Qaum Apni Jo Zar-O-Mal-E-Jahan Par Marti

But-Faroshi Ke Ewaz But-Shikani Kyun Karti

Shikwa Allama Iqbal

Tal Na Sakte The Agar Jang Mein Ad Jate The

Panw Sheron Ke Bhi Maidan Se Ukhad Jate The

Tujh Se Sarkash Hua Koi To Bigad Jate The

Tegh Kya Chiz Hai Hum Top Se Lad Jate The

Naqsh-E-Tauhid Ka Har Dil Pe Bithaya Hum Ne

Zer-E-Khanjar Bhi Ye Paigham Sunaya Hum Ne

Shikwa Allama Iqbal

Tu Hi Kah De Ki Ukhada Dar-E-Khaibar Kis Ne

Shahr Qaisar Ka Jo Tha Us Ko Kiya Sar Kis Ne

Tode Makhluq Khuda-Wandon Ke Paikar Kis Ne

Kat Kar Rakh Diye Kuffar Ke Lashkar Kis Ne

Kis Ne Thanda Kiya Aatish-Kada-E-Iran Ko

Kis Ne Phir Zinda Kiya Tazkira-E-Yazdan Ko

Shikwa Allama Iqbal

Kaun Si Qaum Faqat Teri Talabgar Hui

Aur Tere Liye Zahmat-Kash-E-Paikar Hui

Kis Ki Shamshir Jahangir Jahan-Dar Hui

Kis Ki Takbir Se Duniya Teri Bedar Hui

Kis Ki Haibat Se Sanam Sahme Hue Rahte The

Munh Ke Bal Gir Ke Hu-Allahu-Ahad Kahte The

Shikwa Allama Iqbal

Aa Gaya Ain Ladai Mein Agar Waqt-E-Namaz

Qibla-Ru Ho Ke Zamin-Bos Hui Qaum-E-Hijaz

Ek Hi Saf Mein Khade Ho Gae Mahmud O Ayaz

Na Koi Banda Raha Aur Na Koi Banda-Nawaz

Banda O Sahab O Mohtaj O Ghani Ek Hue

Teri Sarkar Mein Pahunche To Sabhi Ek Hue

Shikwa Allama Iqbal

Mahfil-E-Kaun-O-Makan Mein Sahar O Sham Phire

Mai-E-Tauhid Ko Le Kar Sifat-E-Jam Phire

Koh Mein Dasht Mein Le Kar Tera Paigham Phire

Aur Malum Hai Tujh Ko Kabhi Nakaam Phire

Dasht To Dasht Hain Dariya Bhi Na Chhode Hum Ne

Bahr-E-Zulmat Mein Dauda Diye Ghode Hum Ne

Shikwa Allama Iqbal

Safha-E-Dahr Se Baatil Ko Mitaya Hum Ne

Nau-E-Insan Ko Ghulami Se Chhudaya Hum Ne

Tere Kabe Ko Jabinon Se Basaya Hum Ne

Tere Quran Ko Sinon Se Lagaya Hum Ne

Phir Bhi Hum Se Ye Gila Hai Ki Wafadar Nahin

Hum Wafadar Nahin Tu Bhi To Dildar Nahin

Shikwa Allama Iqbal

Ummaten Aur Bhi Hain Un Mein Gunahgar Bhi Hain

Ijz Wale Bhi Hain Mast-E-Mai-E-Pindar Bhi Hain

Un Mein Kahil Bhi Hain Ghafil Bhi Hain Hushyar Bhi Hain

Saikdon Hain Ki Tere Nam Se Be-Zar Bhi Hain

Rahmaten Hain Teri Aghyar Ke Kashanon Par

Barq Girti Hai To Bechaare Musalmanon Par

Shikwa Allama Iqbal

But Sanam-Khanon Mein Kahte Hain Musalman Gae

Hai Khushi Un Ko Ki Kabe Ke Nigahban Gae

Manzil-E-Dahr Se Unton Ke Hudi-Khwan Gae

Apni Baghlon Mein Dabae Hue Quran Gae

Khanda-Zan Kufr Hai Ehsas Tujhe Hai Ki Nahin

Apni Tauhid Ka Kuchh Pas Tujhe Hai Ki Nahin

Shikwa Allama Iqbal

Ye Shikayat Nahin Hain Un Ke Khazane Mamur

Nahin Mahfil Mein Jinhen Baat Bhi Karne Ka Shuur

Qahr To Ye Hai Ki Kafir Ko Milen Hur O Qusur

Aur Bechaare Musalman Ko Faqat Wada-E-Hur

Ab Wo Altaf Nahin Hum Pe Inayat Nahin

Baat Ye Kya Hai Ki Pahli Si Mudaraat Nahin

Shikwa Allama Iqbal

Kyun Musalmanon Mein Hai Daulat-E-Duniya Nayab

Teri Qudrat To Hai Wo Jis Ki Na Had Hai Na Hisab

Tu Jo Chahe To Uthe Sina-E-Sahra Se Habab

Rah-Raw-E-Dasht Ho Saili-Zada-E-Mauj-E-Sarab

Tan-E-Aghyar Hai Ruswai Hai Nadari Hai

Kya Tere Nam Pe Marne Ka Ewaz Khwari Hai

Shikwa Allama Iqbal

Bani Aghyar Ki Ab Chahne Wali Duniya

Rah Gai Apne Liye Ek Khayali Duniya

Hum To Rukhsat Hue Auron Ne Sanbhaali Duniya

Phir Na Kahna Hui Tauhid Se Khali Duniya

Hum To Jite Hain Ki Duniya Mein Tera Nam Rahe

Kahin Mumkin Hai Ki Saqi Na Rahe Jam Rahe

Shikwa Allama Iqbal

Teri Mahfil Bhi Gai Chahne Wale Bhi Gae

Shab Ki Aahen Bhi Gain Subh Ke Nale Bhi Gae

Dil Tujhe De Bhi Gae Apna Sila Le Bhi Gae

Aa Ke Baithe Bhi Na The Aur Nikale Bhi Gae

Aae Ushshaq Gae Wada-E-Farda Le Kar

Ab Unhen Dhund Charagh-E-Rukh-E-Zeba Le Kar

Shikwa Allama Iqbal

Dard-E-Laila Bhi Wahi Qais Ka Pahlu Bhi Wahi

Najd Ke Dasht O Jabal Mein Ram-E-Ahu Bhi Wahi

Ishq Ka Dil Bhi Wahi Husn Ka Jadu Bhi Wahi

Ummat-E-Ahmad-E-Mursil Bhi Wahi Tu Bhi Wahi

Phir Ye Aazurdagi-E-Ghair Sabab Kya Mani

Apne Shaidaon Pe Ye Chashm-E-Ghazab Kya Mani

Shikwa Allama Iqbal

Tujh Ko Chhoda Ki Rasul-E-Arabi Ko Chhoda

But-Gari Pesha Kiya But-Shikani Ko Chhoda

Ishq Ko Ishq Ki Aashufta-Sari Ko Chhoda

Rasm-E-Salman O Uwais-E-Qarani Ko Chhoda

Aag Takbir Ki Sinon Mein Dabi Rakhte Hain

Zindagi Misl-E-Bilal-E-Habashi Rakhte Hain

Shikwa Allama Iqbal

Ishq Ki Khair Wo Pahli Si Ada Bhi Na Sahi

Jada-Paimali-E-Taslim-O-Raza Bhi Na Sahi

Muztarib Dil Sifat-E-Qibla-Numa Bhi Na Sahi

Aur Pabandi-E-Ain-E-Wafa Bhi Na Sahi

Kabhi Hum Se Kabhi Ghairon Se Shanasai Hai

Baat Kahne Ki Nahin Tu Bhi To Harjai Hai

Shikwa Allama Iqbal

Sar-E-Faran Pe Kiya Din Ko Kaamil Tu Ne

Ek Ishaare Mein Hazaron Ke Liye Dil Tu Ne

Aatish-Andoz Kiya Ishq Ka Hasil Tu Ne

Phunk Di Garmi-E-Rukhsar Se Mahfil Tu Ne

Aaj Kyun Sine Hamare Sharer-Abaad Nahin

Hum Wahi Sokhta-Saman Hain Tujhe Yaad Nahin

Shikwa Allama Iqbal

Wadi-E-Najd Mein Wo Shor-E-Salasil Na Raha

Qais Diwana-E-Nazzara-E-Mahmil Na Raha

Hausle Wo Na Rahe Hum Na Rahe Dil Na Raha

Ghar Ye Ujda Hai Ki Tu Raunaq-E-Mahfil Na Raha

Ai Khusha Aan Roz Ki Aai O Ba-Sad Naz Aai

Be-Hijabana Su-E-Mahfil-E-Ma Baz Aai

Shikwa Allama Iqbal

Baada-Kash Ghair Hain Gulshan Mein Lab-E-Ju Baithe

Sunte Hain Jam-Ba-Kaf Naghma-E-Ku-Ku Baithe

Daur Hangama-E-Gulzar Se Yaksu Baithe

Tere Diwane Bhi Hain Muntazir-E-Hu Baithe

Apne Parwanon Ko Phir Zauq-E-Khud-Afrozi De

Barq-E-Derina Ko Farman-E-Jigar-Sozi De

Shikwa Allama Iqbal

Qaum-E-Awara Inan-Tab Hai Phir Su-E-Hijaz

Le Uda Bulbul-E-Be-Par Ko Mazaq-E-Parwaz

Muztarib-E-Bagh Ke Har Ghunche Mein Hai Bu-E-Niyaz

Tu Zara Chhed To De Tishna-E-Mizrab Hai Saz

Naghme Betab Hain Taron Se Nikalne Ke Liye

Tur Muztar Hai Usi Aag Mein Jalne Ke Liye

Shikwa Allama Iqbal

Mushkilen Ummat-E-Marhum Ki Aasan Kar De

Mor-E-Be-Maya Ko Ham-Dosh-E-Sulaiman Kar De

Jins-E-Nayab-E-Mohabbat Ko Phir Arzan Kar De

Hind Ke Dair-Nashinon Ko Musalman Kar De

Ju-E-Khun Mi Chakad Az Hasrat-E-Dairina-E-Ma

Mi Tapad Nala Ba-Nishtar Kada-E-Sina-E-Ma

Shikwa Allama Iqbal

Bu-E-Gul Le Gai Bairun-E-Chaman Raaz-E-Chaman

Kya Qayamat Hai Ki Khud Phul Hain Ghammaz-E-Chaman

Ahd-E-Gul Khatm Hua Tut Gaya Saz-E-Chaman

Ud Gae Daliyon Se Zamzama-Pardaz-E-Chaman

Ek Bulbul Hai Ki Mahw-E-Tarannum Ab Tak

Us Ke Sine Mein Hai Naghmon Ka Talatum Ab Tak

Shikwa Allama Iqbal

Qumriyan Shakh-E-Sanobar Se Gurezan Bhi Huin

Pattiyan Phul Ki Jhad Jhad Ke Pareshan Bhi Huin

Wo Purani Raushen Bagh Ki Viran Bhi Huin

Daliyan Pairahan-E-Barg Se Uryan Bhi Huin

Qaid-E-Mausam Se Tabiat Rahi Aazad Us Ki

Kash Gulshan Mein Samajhta Koi Fariyaad Us Ki

Shikwa Allama Iqbal

Lutf Marne Mein Hai Baqi Na Maza Jine Mein

Kuchh Maza Hai To Yahi Khun-E-Jigar Pine Mein

Kitne Betab Hain Jauhar Mere Aaine Mein

Kis Qadar Jalwe Tadapte Hain Mere Sine Mein

Is Gulistan Mein Magar Dekhne Wale Hi Nahin

Dagh Jo Sine Mein Rakhte Hon Wo Lale Hi Nahin

Shikwa Allama Iqbal

Chaak Is Bulbul-E-Tanha Ki Nawa Se Dil Hon

Jagne Wale Isi Bang-E-Dara Se Dil Hon

Yani Phir Zinda Nae Ahd-E-Wafa Se Dil Hon

Phir Isi Baada-E-Dairina Ke Pyase Dil Hon

Ajami Khum Hai To Kya Mai To Hijazi Hai Meri

Naghma Hindi Hai To Kya Lai To Hijazi Hai Meri

Shikwa Allama Iqbal

Urdu Poetry 2 Lines

The Great Sufi Poetry by Allama Iqbal 

یہ انتخاب بھی آپ کو ضرور پسند آئیگا۔

شاعر کا مختصر تعارف

علامہ اقبال

علامہ اقبال کا اصل نام محمد اقبال تھا آپ سن1877 کو سیالکوٹ میں پیدا ہوئے تبAllama Iqbal سیالکوٹ متحدہ ہندوستان کا شہر تھا جو اب پاکستان کے صوبے پنجاب میں واقع ہے۔ آپکی وفات سن 1938 میں ہوئی۔ آپ کی شخصیت کئی حوالوں سے مشہور ہے لیکن یہاں بطور شاعر انکا تعارف پیش کیا جارہا ہے۔ علامہ اقبال کی زندگی، فلسفہ، شاعری اور پیشہ ورانہ زندگی کے بارے میں معلومات حاصل کرنے کے لئے انکی سوانح حیات کا مطالعہ فرمائیں۔

اقبال بظاہر ایک شاعر نظر آتے ہیں لیکن شاعری دراصل انکے خیالات اور جذبات کے اظہار کا ذریعہ تھی۔ لفظوں کا انتخاب، اصطلاحوں اوراستعاروں کا جو استعمال اقبال نے اردو شاعری میں متعارف کروایا بلاشبہ وہ اقبال کو دیگر شعراء سے ممتاز کرتا ہے۔ اقبال ایک عہد ساز شخصیت کے مالک تھے انکی شاعری انکا فلسفہ اور انکا تکلم انہیں اپنے ہم عصروں میں ممتاز کرتا ہے۔ انکی شاعری سے یہ ظاہر ہوتا ہے کہ انہوں نے مشرق و مغرب کے سیاسی، تہذیبی، معاشرتی اور روحانی حالات کا گہرا مشاہدہ کیا ہے۔ مقبوضہ ہندوستان کی زبوں حالی اور مشرقی اقدار کا تنزل انہیں ہمیشہ مضطرب رکھتا تھا، اور آپ اسکے اسباب سے بھی واقف تھے اسی لئے آپ نے اپنی شاعری کوپستی میں پڑے مسلمانوں کو سدھارنے اور ترقی کی راہ پر ڈالنے کا ذریعہ بنایا۔ اقبال کے کلام شکوہ اور جوابِ شکوہ کو پڑھ کر آپ یقیناً اقبال کے فلسفہ اور اسکی گہرائی کا اندازہ لگا سکتے ہیں۔

شاعری میں اقبال نے بنیادی طور پرعشقِ حقیقی اور فلسفہ خودی کو موضوع بنایا ہے۔ اقبال کا عشق عمومی سطح کا نہیں نا ہی وہ دیگر شعراء کی طرح محبوب سے عشق جتاتےاور ناز اٹھاتے ہیں۔ انکی شاعری ایک طرف امت محمدی کو جگانے کا ذریعہ بنی جس میں تصوف کا رنگ غالب ہے۔ تو دوسری طرف انہوں نے بچوں کی تربیت پر بھی خاص توجہ دی جو قوم کا مستقبل ہوتے ہیں۔ اقبال کی نظم “لب پہ آتی ہے دعا بن کے تمنّا میری” اسکا بہترین اظہار ہے اور ہند و پاک میں بچوں کی مقبول ترین دعا کے طورپر جانی جاتی ہے۔ اس نظم کوبلا مبالغہ لاکھوں بلکہ کروڑوں مرتبہ پڑھا جاچکا ہے۔ اقبال نے نوجوانوں کو خودی کے فلسفہ کی جانب راغب کیا اور اپنے عارفانہ کلام کے ذریعے نوجوانوں میں حجازی اور جہادی روح بیدار کی۔اقبال علم کے ساتھ عمل کے قائل تھے اور انکی ساری زندگی مسلسل جدودجہد سے عبارت رہی۔

علامہ محمد اقبال کی شاعری کا ایک اور پہلوعشقِ محمدی صلی اللہ علیہ وسلم بھی ہے جو دراصل انکے عارفانہ کلام کا جزوِ خاص کہا جاسکتا ہے۔ اقبال نے عشقِ رسول کی شمع کو مسلمانوں کے دلوں میں روشن کیا اور انہیں سکھلایا کہ ہمارے دین کی اساس کیا ہے۔

برِّصغیر پاک و ہند میں اقبال کو اردو شاعری کے حوالے سے جانا جاتا ہے لیکن اقبال کی شاعری کے ایک بڑا حصہ فارسی زبان پر مشتمل ہے اور دنیا بھر میں بالخصوص افغانستان، ایران اور ملحقہ خطوں میں اقبال کی فارسی شاعری کو قدر کی نگاہ سے دیکھا جاتا ہے۔ اسکے علاوہ اقبال کو یہ اعزاز بھی حاصل ہے کہ مغرب میں بھی انکی شاعری پر تحقیق کی گئی ہے اور اقبال کے افکار کو فلسفہ کا درجہ حاصل ہے۔

 

Poet Allama Muhammad Iqbal

Allama Iqbal’s original name was Muhammad Iqbal. He was born in Sialkot in 1877. Sialkot was a city in United India, which is now located in the Punjab province of Pakistan. He died in 1938. His personality is known in many contexts but here he is being introduced as a poet. Read his biography to get information about Allama Iqbal’s life, philosophy, poetry, and professional life.

Iqbal appears to be a poet, but poetry was actually a means of expressing his thoughts and feelings. The choice of words, the use of terms and metaphors introduced by Iqbal in Urdu poetry undoubtedly distinguishes Iqbal from other poets. Iqbal was the owner of an epoch-making personality, his poetry, his philosophy, and his eloquence distinguished him among his contemporaries. His poetry shows that he has deeply observed the political, cultural, social, and spiritual conditions of the East and West. He was always troubled by the poor state of occupied India and the decline of Eastern values, and he was also aware of its causes, that is why he made his poetry a means of reforming the downtrodden Muslims and putting them on the path of development. By reading Iqbal’s Kalam Shukwah and Jawab-e-Shukoh, you can surely understand Iqbal’s philosophy and its depth.

In poetry, Iqbal has mainly made true love and philosophy of self as the subject. Iqbal’s love is not of a general level, nor does he like other poets to express love to the beloved. On the one hand, his poetry became a means of awakening the Muhammadan Ummah, in which the color of Sufism is dominant. On the other hand, he also paid special attention to the education of children who are the future of the nation. Iqbal’s poem “Lib Pe Aati Hai Dua Bin Ke Tamanna Meri” is the best expression of this and is known as the most popular children’s prayer in India and Pakistan. This poem has been read millions of times without exaggeration. Iqbal attracted the youth towards the philosophy of self-realization and awakened the Hijazi and Jihadi spirit in the youth through his mystic speech.

Another aspect of Allama Muhammad Iqbal’s poetry is the love of Muhammad (peace be upon him), which can actually be said to be a special part of his mystic speech. Iqbal lit the candle of Ishq-i Rasool in the hearts of Muslims and taught them what is the basis of our religion.

In the Indian and Pakistani subcontinents, Iqbal is known for his Urdu poetry, but a large part of Iqbal’s poetry is in the Persian language, and Iqbal’s Persian poetry is valued around the world, especially in Afghanistan, Iran and adjacent regions. goes Apart from this, Iqbal also has the honor that his poetry has been researched in the West and Iqbal’s thoughts have the status of philosophy.

Return to Archive
منتخب شاعری
Search Poetry
پسندیدہ شاعری تلاش کریں
Pak-Studies-logo-face2

From the Past to the Future 

پاک اسٹڈیز ایک ایسی ویب سائٹ ہے جہاں تمام شعبہ ہائے زندگی سے تعلق رکھنے والے لوگ بالخصوص طالب علم اپنی علمی پیاس بجھا سکتے ہیں۔ اس ویب سائٹ پر ہم فی الحال شعروشاعری، سوانح حیات، ملی نغمات اور تعلیم سے متعلق مواد پیش کرتے ہیں۔ البتہ ہماری پوری کوشش ہے کہ چیدہ چیدہ اہم معلومات اور دلچسپ خبریں بھی آپ تک پہنچائیں تاکہ آپ کی معلومات میں اضافے کے ساتھ ساتھ آپکو محظوظ بھی کیا جاسکے۔ ہمارے آئندہ منصوبے میں دینی معلومات، اہم خبریں، ہنر کا فروغ و دیگر شامل ہیں۔ البتہ آپ کی ہمارے صفحات پر موجودگی ہمیں اس بات پراکساتی رہے گی کہ ہم آپکے لئے نئے نئے موضوعات پرکام کرتے رہیں۔

Share
Share